Кашты туура боё эрежеси

Кашты туура боё эрежеси
4-Апр. 2019, Бейшемби, 15:41

Бир канча этап менен кашыңызга көрк кошо аласыз. Анткени, бир гана көзгө жасалган макияж гана эмес, каштын туура боёлушу дагы сиздин жүзүңүздүн көркүн ачат.

Каш эмне себептен боёлот?

Кашыңызга туура форма берүү учүн көптөгөн убакыт сарпталат. Мисалга, сиздин кашыңыздын өзү эле ичке болсо, аны дагы үстүнөн боёгондон башка айлаңыз жок. Ошол эле учурда, кашыңыз абдан калың көрүнүү үчүн дагы аны боёгонго туура келет.

Каш кандай түс менен боёлот?

Визажисттер көпчүлүк учурда, кашты адамдын көзүнүн ичиндеги өңгө карата боёгонго сунуш кылат. Мисалга, көзүңүздун ичи күрөң болсо, күрөң түстөгү калем жана боёкторду колдонсоңуз болот.

Ал кантип боёлот?

Колуңузга кашты боёгон калемди алып, аны катуу баспай кашыңызга форма келтириңиз. Эгерде, кашыңызды чийип жатканда, анын формасын бузуп алсаңыз, анда кулак чукугуч сизге жардамга келет. Боёп, бир формага келгенден кийин, каш тараган тарак менен тарап койсоңуз дагы жакшы болот.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!