Жумурткадан жасалган маска

Эң алгач жумуртканы чагып, анын белок менен сарысын ажыратып аласыз. Белогун бетке сүйкөп, 15-20 мүнөт кармап турасыз. Андан кийин өтө муздак жана ысык эмес суу менен жууп салуу керек. Мындай маска бетиңизди тартырып, сонун кылып коёт. Бети кургак болгондор мындай масканы колдонууга болбойт.

Халва маскасы

Ал үчүн бир тилим халваны аласыз дагы аны жакшылап майдалайсыз. Ага бираз суу куюп аралаштырасыз. Аралашмаңыз айран сыяктуу болуусу кажет. Даяр болгон боткону бетке сүйкөп, отуз мүнөт кармоо керек. Кийин аны жылуу суу менен жууп салуу кажет. Эскерте кетсек, мындай маска майлуу беттерге туура келбейт. Мындай маска беттеги бырыштарды кетирип, бетти сыйдаң кылат.