Келиндин колунан чай ичели...

Келиндин колунан чай ичели...
20-Дек. 2018, Бейшемби, 11:07

Келин алып, тойго келгендер тарап, үй ээлери өздөрү калгандан кийин, жакындары келип келиндин колунан чай ичүүгө жыйналышат. Келгендерге келин чайын коюп, нан бышырып, кыскасы, келиндин колунан даярдалган дасторкон жайылат. келин чай куят. Бул салттын эки мааниси бар.

Биринчиден, келиндин үй жумушуна бышык экенин, колунан иш келээрин байкоо. Жаш келин мындайда чыныны шылдыратпай, акырын чайду куюп, эң башкысы улуулардан баштап узатып өзүн тарбиялуу колунан келген келин катары таанытат. Ар бир адамдын чынысын кечиктирбей жана адаштырбай куюп отурганы да эске алынат.

Экинчи, келиндин колунан ата менен эненин чай ичүүсү – чоң жетиштик, кубаныч, «биздин бала эр жетип, келин алып, ата-эне аталдык, колубуз узарды» деген мактаныч, сүйүнүч, урматка ээ болушат. Ушундайча, тойдун аягы келиндин колунан чай ичүү менен аякталат. Ак босогону аттаган тарбиялуу жаш ушул үйдүн бир мүчөсү аталып, үй-бүлө деген кичинекей мамлекетке сүңгүп кирип, аралашып кетет.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
КӨП ОКУЛГАНДАР