“Шекер салыгы” күчүнө кирди
Англияда жума күнү күчүнө кире турган шекер салыгына чейин “Coca-Cola” компаниясы “Sprite” жана “Fanta” суусундуктарындагы шекердин өлчөмүн 100 миллилитрде 5 граммдан төмөн кылып түшүрдү. Өкмөт бул жол аркылуу ашыкча салмак менен күрөшүүнү көздөгөн.
Англияда шекердин өлчөмүнө карата аны өндүргөндөрдөн салык алынары тууралуу мыйзам 6-апрелде күчүнө кирет.
Англиянын коомчулугунда “шекер салыгы” делген мыйзамга ылайык 100 миллитрде алкоголсуз суусундуктарда камтылган канттын өлчөмү 5 граммдан ашса литрине 18 панни (акча бирдиги) салык алуу каралган. Ал эми шекердин өлөмү 8 граммдан ашса литрине 24 пенни салык салынат.
Англия өкмөтү шекер салыгы боюнча чечимди 2016-жылдын март айында чыгарган. Бирок өндүрүүчүлөр өзгөрүүгө даярдык көрүү үчүн эки жыл убакыт сурашкан.
Бул жарлыктан кийин дүйнөдөг таттуу суусундуктарды маанилүү өлчөмдө өндүргөн “Coca-Cola” ишканасы Англиядагы сууларында шекердин санын азайтты. “Sprite” ичимдигинде 100 миллилитрдеги шекердин өлчөмү 6,9 граммдан 4,6 граммга төмөндөттү. “Fanta” суусундугунда 100 миллилитрде шекердин өлчөмүн 6,6 граммдан 3,3 граммга азайтканы белгилүү болду.