Макрон: Түркия согушкерлерге каршы чыккандар менен күрөшүп жатат

Кабар борбору

Франциянын президенти Эммануэль Макрон НАТОнун мааракелик саммитинин алдында Лондондо америкалык кесиптеши Дональд Трамп менен жолугушту. Бул боюнча өткөргөн маалымат жыйынында Түркияны террорчулар менен кызматташканга айыптап, лидери Режеп Тайип Эрдогандын дарегине сын айтты. Ошондой эле Франция тарап маалымат жыйынында франко-америкалык кызматташтык маанилүү экенин билдирүүсүндө “Биз экстремизм менен биргеликте күрөшүп жатабыз»,-деди.

Макрон: “Сирия жана Иракта согуш аяктай элек. Аймактагы туруксуздук биздин террорчулар менен күрөшүбүзгө терс таасирин тийгизип жатат. Террорчулук коркунучуна каршы турууда тилекке каршы биримдик жок. НАТОнун мүчөсү Түркия биз тарап же согушкерлерге каршы чыгып жаткандар менен күрөшүп жатат”,-деди.

Ал Түркияны сындап жатып “Түркия бир эле убакта Түндүкатлантикалык альянстын мүчөсү болуп туруп Россиядан чыккан куралдарды алууда»,-деди.

Лондондо НАТО саммитинин аянтчасында Дональд Трамп француз кесиптеши менен жолугушкандан кийин “Биз Париждин Россия боюнча позициясына кошулабыз. Биз Россия менен чындап эле түшүнүүгө келе алабыз жана бул ойдо жалгыз эмес экенбиз. Орустар куралданууну чектөө боюнча келишим түзгүсү келет. Биз да ушуну каалайбыз. Бул мыкты жетишкендик болот”,-деди.