“Мария” резиденциянын чатырын учурду
Мээрим Искакова
19-Сен. 2017, Шейшемби, 14:38
18-сентябрда дүйшөмбүдө кечинде Кариб деңизиндеги Доминик мамлекетинде күч алган “Мария” бороону өлкөнүн премьер-министри Рузвельт Скерриттин резиденциясын олуттуу кыйроого учуратты.
“Үйдүн чатыры учуп кетти. Бороондун бийлигинде калдым. Үйгө суу кирип жатат”,- деп жазган Скеррит “Фейсбук” тармагындагы баракчасына. Бир нече мүнөттөн кийин саясатчы жаратылыш кырсыгынан аман калганын, “Мени куткарышты”,- деп жазган Скеррит.
Буга чейин АКШнын Улуттук ураган борбору “Мария” бороону максималдуу чекке же Саффир-Симпсон шкаласы боюнча бешинчи категорияга, ылдамдыгы саатына 260 чакырымга жеткенин билдирген.
Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
Окшош кабарлар
КӨП ОКУЛГАНДАР