Пирамидадан сырдуу бөлмө табылды

Мээрим Искакова

Илимпоздор дүйнөнүн жети кереметинин бири Египетте жайгашкан Хеопс пирамидасынан узундугу 30 метрлик бош жай табышты.

Англиядагы Бристол университетинен Египет таануучу Аидан Додсон “Бул жашыруун бөлмөлөрдөн казына табылбайт”,-деди. Бирок адистер бул бош жай аркылуу көп сыр каткан ири пирамидалардын кандай жасалганына байланыштуу жаңы маалыматтарды билүүгө болорун болжолдошууда.

Хеопс пирамидасы биздин заманга чейин 2509-2483-жылдар аралыгында өкүмдарлык кылган Хеопс фараону тарабынан курулган. Бийиктиги 139 метрге жеткен эстелик байыркы доордон ушул мезгилге жеткен таасирдүү жайлардын бири.