Жер ортолук деңизге күн сайын 10 мигрант чөгөт
Африкадан Италияга кеткен деңиз жолу дүйнөдөгү башка миграциялык жолдорго караганда кооптуу болуп эсептелет.
Жер ортолук деңизи аркылуу Европа мамлекеттерине жетүүнү каалаган мигранттардын жана качкындардан көз жумгандардын саны 2017-жылдын башталышынан бери 3 миңге жеткен. Башкача айтканда күн сайын ондон адам чөгөт. Бул туурасында Миграция боюнча эл аралык уюм (МОМ) билдирди.
Мындай окуяда Түндүк Африка-Италия миграциялык багытында 2803, Испанияга бара тургандардан 169, Грецияга сапар алгандардан 61 адам көз жумган.
Жыл башынан бери МОМдун маалыматына караганда дүйнөдө 5 миң 124 мигрант жана качкындар көз жумган. Жүздөгөн адамдар Түндүк Африка, Африка, Түштүк Сахарадан чыгышкан. Ошондой эле Мексикадан АКШга бара жаткандар болгон.