Жерге көмөрдө тирилип кетти
Индияда убактысынан эрте жарык дүйнөгө келген эгиздерди "чарчап калды" деп ата-энесине беришкен. Кийин үй-бүлөсү тарабынан наристелер жерге берилер алдында ымыркайлардын бирөө кыймылга келген.
“Hürriyet” гезитинин NDTVга таянып берген маалыматына караганда, Нью-Делидеги ооруканалардын биринде убактысынан эрте 22-жумалык болуп төрөлгөн эгиздердин бирөөсү төрөт учурунда каза болгон. Кыска бир убакыттын ичинде эгиздердин экинчиси да чарчап калган. Ымыркайлардын сөөктөрүн баштыкка ороп ата-энесине беришкен.
Үй-бүлө наристелерди топуракка берүүгө камданып жаткан маалда баштыктын ичинде оролгон ымыркайлардын бирөөсү кыймылдаганын байкашкан. Мындан улам алар наристени дарылатуу үчүн эң жакынкы ооруканага алып барышкан. Бул үй-бүлөнүн арызынан кийин, полиция оорукана жана окуя тууралуу териштирүү иштерин баштаган.
