Мигранттардын саны боюнча Кыргызстан 5-орунда
Кыргызстан Россияда эмгектенген мигранттардын саны боюнча 5-орунда турат. Бул тууралуу Россиянын эл чарба жана мамлекеттик кызмат академиясы билдиргендигин аталган өлкөнүн массалык маалымат каражаттары кабарлады.
Маалыматка караганда, 2016-жылдын жыйынтыгы боюнча өткөн жылы Россияга 9,6-10,4 млн. чет өлкөлүк жаран келген. Анын 85 пайызы же 8,2 млн. жаран КМШ өлкөлөрүнөн келгендер түзөт. Бул көрсөткүч 2014-жылга салыштырмалуу 8 пайызга кыскарган. 2015-жылга салыштырмалуу 5 пайызга төмөндөгөн.
Акыркы 3 жылда Өзбекстандан келген жарандардын саны 30 пайызга, тажикстандыктар 10 пайызга азайган. Ал эми Евразия экономикалык биримдигине кирген өлкөлөрдөн келгендердин саны тескерисинче өскөндүгү байкалган.
2016-жылы эмгек мигранттарынын саны 3,6-4 миллионду түзгөн. Анын 96-96 пайызы КМШдан келген мигранттар. Мунун ичинен 66 пайызы орто азиялыктар.
Учурда Россияда эмгектенген мигранттарды өлкө боюнча алынган расмий маалыматтарга караганда:
Украина 2,4 млн.
Өзбекстан 2,2 млн.
Тажикстан 1 млн.
Молдова 561 миң
Кыргызстан 544 миң