Сапар Исаков батирдин ачкычын тапшырды (фото)
Кыргыз Республикасынын Премьер-министринин милдетин аткаруучу Сапар Исаков бүгүн, 19-апрелде, Чүй облусунун Аламүдүн районунун Чоң-Таш айылындагы 1937-1938-жылкы репрессия курмандыктарынын жашырылган жайы тууралуу алгач маалымдаган жаран Бүбүйра Кыдыралиевага батирдин ачкычын тапшырды. Бул тууралуу Өкмөттүн маалымат кызматы кабарлады.
Ага караганда, Өкмөт башчынын милдетин аткаруучу учурдагы «Ата-Бейит» мемориалдык комплексинин ордунда репрессия курмандыктары массалык түрдө жашырылгандыгына бала кезинде күбө болгон Бүбүйра Кыдыралиеванын жасаган ишинин тарыхый маанисин белгиледи.
Ошондой эле Сапар Исаков ага чың ден-соолук, узун өмүр жана бакубат жашоо каалады.
Бишкек шаарынын «Туңгуч» кичи районунда жайгашкан жаңы батирге Бүбүйра Кыдыралиеваны калаа башчы мэри Албек Ибраимов коштоп келди.