Ырчы Самара Каримова жаңы кызматка дайындалды
Кубанычбек Жусупбеков
28-Июль 2017, Жума
Ош шаарындагы «Сулайман-Тоо» улуттук тарыхый-археологиялык музей комплексинин башкы директору болуп белгилүү ырчы Самара Каримова дайындалды. Бул тууралуу Маданият маалымат жана туризм министринин басма сөз кызматы билдирди.
Тиешелүү буйрукка Маданият, маалымат жана туризм министри Түгөлбай Казаков кол койгон. Бул маалыматты Самара Каримова да тастыктады.
Музейдин мурунку директору Тургунбаев Абдраим Исакович өз каалоосу менен кызматтан кеткен.
Аталган музей ЮНЕСКОнун материалдык эмес маданий мурастар тизмесине кирген. Учурда анда 80ден ашуун кызматкер бар.
Белгилей кетсек, 26 жаштагы Самара Каримова Маданият, маалымат жана туризм министрлигинин түштүк аймак боюнча маданий борборунун башчысы Асан Мансуровдун жубайы.
Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
Окшош кабарлар
КӨП ОКУЛГАНДАР