Нарында “Нукура фест” фестивалы өтөт
Нарын облусунда кыргыздын маданиятын чагылдырган “Нукура фест” туристтик этно фестивалы өтөт. Бул тууралуу бүгүн, 14-августта Маданият, маалымат жана туризм министрлигинин маалымат кызматынан билдирди.
Фестиваль 16-сентябрда Нарын шаарынын 149 жылдыгына карата туристтик сезондун аякташына арналат.
"Бул фестиваль Нарын шаарында кыргызстандыктар менен чет элдик туристтерди тартып, жергиликтүү каада-салт менен тааныштырууну көздөйт. Маданий иш-чаранын алкагында тушоо кесүү, бешикке салуу сыяктуу салттар көрсөтүлөт. Ошондой эле улуттук тамак-аштардын көргөзмөсү уюштурулуп, уздар дагы өз эмгектерин көрсөтөт",-деп айтылат маалыматта.
Фестивалдын катышуучуларына “Таш-Рабат”, “Кошой коргон” сыяктуу тарыхый жерлерге тур уюштурулат. Мындан арыда иш-чаранын жыл сайын өткөрүү колго алынмакчы.
Фестиваль Нарын шаарынын мэриясы, USAIDдин бизнести өнүктүрүү демилгесинин алкагында, туристтик агенттиктердин демилгеси жана Туризм департаментинин колдоосу менен өтүп жатат.
Берилген ипотека 1,88 млрд. сомго жетти
Майназарова: “Боорумду алмаштырып, гепатиттен айыктым”
Кыргызстан: ЕАЭБде эки жыл
Өлүмгө себепкер болгон милиция кармалды
Чуулгандуу видеодогу баланын жагдайы
Мээримгүлдүн өлүмгө баруусуна жакындары ишенбейт
