Өкмөт аз камсыз болгон 100 кожолукка көмүр берди
Өкмөт Чоң-Алай районундагы жер титирөөдөн жабыр тартып, чатырда жашап жаткан тургундарга 200 тонна көмүр таратып берди.
Өкмөттүн Ош облусундагы өкүлчүлүгүнүн маалымат катчысы Жумамидин Сулайманкулов билдиргендей, көмүрдү жеткирүү милдетин ”Пэрити Коал” ишканасы өз жоопкерчилигине алган.
Буга чейин премьер-министр Сапар Исаков Чоң-Алай районуна болгон иш сапарында Жекенди айыл аймагындагы аз камсыз болгон үй-бүлөлөрдү кышка чейин көмүр менен камсыз кылуу тапшырмасын берген. Ага ылайык, райондогу жер титирөөдөн жабыр тарткан жардамга муктаж 100 үй-бүлөнүн ар бирине 2 тоннадан көмүр тизме аркылуу таратылып берилди.
Климаттык шарты оор бул аймакта суук октябрь айынан май айына чейин созулат.
Ушул жылдын 3-майында удаа-удаа жер титирөө болуп, күчү алты баллга чейин жеткен.
Жер титирөөнүн кесепетинен жалпы 1025 турак жай текшерилген. Анын ичинен 187 турак үй капиталдык ремонтко муктаж, 632 турак жай авариялык абалга келип, 10 үй кыйроого учурагандыгы аныкталган.
Кыргыз орус өнүктүрүү фондуна жаңы жетекчи дайындалды
Япониялык эксперттер ишкерлерди окутат
Көз жумган адам тегерегинде эмне болуп жатканын сезет
BIF2017 инвестициялык форуму декабрда өтөт
Ысык-Көлдө уюлдук телефон уурдагандар кармалды
Жылуулук берүүдөгү коопсуздук боюнча түшүндүрүү иштери жүрүүдө
Кекилик аткан жаранга соттук териштирүү иши башталды
Кыргызстан Казакстандын колдоосунан баш тартат
