Ажыга барчуларды эмдөө башталды
Айпери Төлөмүшова
27-Июнь 2017, Шейшемби
Кыргызстанда зыяратчыларды менингит жана сасык тумоого каршы эмдөө башталды. Бул тууралуу Саламаттык сактоо министрлигинин басма сөз кызматынан билдиришти.
Эмдөө иштери борборлорунун базасында, Бишкек шаарында болсо №10 үй-бүлөлүк дарыгерлер борборунда өтөт.
Эскерте кетсек, быйыл ажыга бара тургандардын жалпы саны 4 миң 585 адам. Анын ичинде Бишкек шаары - 278 адам, Чүй облусу - 502, Талас облусу - 40 адам, Нарын облусу - 26 адам, Ысык-Көл облусу - 65, Ош шаары - 446, Ош облусу - 1798 адам, Жалал-Абад облусу - 931 адам, Баткен облусу - 444 адам, штаб - 55 адам.
Эмдөө бөлмөлөрү менингит жана сасык тумоого каршы вакциналар, ошондой эле, керектелүүчү материалдар менен камсыздалган.
Зыяратчыларды эмдөө 2017-жылдын 20-июлунда аяктайт.
Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
КӨП ОКУЛГАНДАР