Сокулукта ​бетон плита аялды басып калды

Бекхан Асанов

Сокулук районунун Новопавловка айылында бетон плита адамды басып калды. Бул тууралуу Өзгөчө кырдаалдар министрлигинин басма сөз кызматы билдирди.

Маалыматка караганда, кырсык Новопавловка айылында 10-ноябрда кечке жуук болгон. Автокран бетон плитасын көтөрүп салынып жаткан үйдүн үстүнө коюу максатында айланып жатканда трос үзүлүп кетип коңшу үйдүн үстүнө кулаган. Үйдүн ичинде 3 аял 1 эркек жана кичинекей кыз болгон. Кырсыктын кесепетинен 1 аял каза болгон, калган 4 адам Бишкек шаарынын 4-ооруканасына жеткирилген.