26-январь: айрым аймактарга кар жаайт
Кыргызгидрометтин билдиргенине ылайык 26-январда өлкөнүн айрым жерлеринде бир аз кар жаайт. Ош, Жалал-Абад, Баткен облустарынын кээ бир райондорун туман каптайт.
Жолдор тоңголок, тайгак болот. Түндүк-батыштан келген шамалдын ылдамдыгы секундуна 2-7 метрден, Ысык-Көл, Нарын облустарынын айрым жерлеринде жана кээ бир тоолуу райондордо 17-22 метрге жетет.
Абанын температурасы:
Чүй облусунда түнкүсүн -11…-16, күндүз -7…-12;
Таласта түнкүсүн -13…-18, күндүз -4…-9;
Ош жана Жалал-Абад облустарында түнкүсүн -4…-9, күндүз -1…4;
Баткенде түнкүсүн -4…-9, күндүз -1…4;
Ысык-Көлдө түнкүсүн -7…-12, 0…-5;
Нарын облусунда түнкүсүн -20…-25, -13…-17 градус суук болот.
Бишкекте 26-январда кар жаабайт. Жолдор тоңголок, тайгак болот. Түндүк-батыштан келген шамалдын ылдамдыгы секундуна 2-7 метрге жетет. Абанын температурасы түнкүсүн -20…-24, күндүз -8…-12 градуска чейин төмөндөйт.