​Күйөөсүнөн таяк жеп каза болду

Бекхан Асанов

Жайыл районунда аял күйөөсүнүн таягынан көз жумду. Бул туурасында Чүй облустук милициясы билдирди.

Маалыматка караганда, каза болгон аял 39 жашта болгон. Ал Жайыл райондук ооруканасында жан берген.

Жайыл райондук милициясына 6-февралда 35-40тар чамасындагы аял бычак жеп, ооруканага жеткирилгендиги тууралуу кабар түшкөн. Тартип сакчылардын ыкчам тобу ооруканага барып, окуянын чоо-жайын иликтеп, анын мас күйөөсү тарабынан сабалганын аныктаган.

6-февралда кечки саат 22:00дөрдө күйөөсү чыр чыгарып, андан соң кол көтөрүп, бычак менен сайып жиберген.

Факты боюнча Кылмыш кодексинин 104-беренесинин негизизде кылмыш иши козголгон. Милиция издеп барып, 45 жаштагы кишини өзүнүн эмес, туугандарынын үйүнөн таап, учурда тергөө иштери жүргүзүлүүдө.