Диний-экстремисттик агымдын мүчөлөрү кармалды
Бекхан Асанов
13-Март 2018, Шейшемби, 16:15
Ошто “Йакын Инкар” диний-экстремисттик агымдын 9 мүчөсү экстремизм үчүн камалышты. Бул тууралуу Ош облустук ИИБи билдирди.
Маалыматка караганда, Ош облусунун аймагында “Йакын Инкар” диний-экстремисттик агымынын 16 мүчөсү кармалган.
1-мартта Ош шаардык соту тарабынан алардын тогузу соттолгон.
Аталган жарандар Ош облустук ИИБ кызматкерлери тарабынан Кара-Суу, Араван жана Өзгөн райондорунун аймагында кармалган. “Йакын Инкардын” калган 7 мүчөсү боюнча иликтөө иштери уланып жатат.
Эскерте кетсек, 2017-жылдын 15-июнунда Бишкек шаардык соту “Йакын Инкар” диний агымына Кыргызстандын аймагында тыюу салган.
Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
Окшош кабарлар
КӨП ОКУЛГАНДАР