“A”- силуэтиндеги көйнөктөр

Фарида Жумакадырова

Акыркы убактарда кыздар эркектерден айырмалангысы келип, өздөрүнүн назиктигин баса белгилегилери келе баштаганын байкоого болот. Бирок кичинекей көйнөктөр ар бир фигурага жараша бербейт. Ар кандай учурга төп келген универсалдуу көйнөк-бул A-силуэтиндеги көйнөк болуп саналат. Алар көкүрөк тушта тар моделде келип, төмөндөгөн сайын кенен болот. Мындай көйнөктөр «А» тамгасына окшошуп кетет. Жана бул фасон трапецияга окшош.

А- формасындагы көйнөктөр качан пайда болгон? Эң алгачкы кийим үлгүсүн өзүнүн кийим коллекцияларында колдонууга киришкен мода дизайнерлеринин бири - Кристиан Диор. 1955- жылы коллекциясында тизеге чейин келген юбка менен костюм топтомунун конструкциясы көйнөктүн трапецияга окшош болгон. Ушундай стилди Ив Сен-Лоран дагы өзүнүн жаз мезгилине арналган мода көрсөтүүсүндө да сунуштаган.