Ашкөк жана татымалдардын колдонууда абайлаңыз!

Фарида Жумакадырова

Баардык нерселер сыяктуу эле татымалдарды көп өлчөмдө колдонуу зыян алып келет. Татымалдарды колдонуудан мурда дарыгер менен кеңешиңиз.

1. Мускат

• Ар дайым жана көп өлчөмдө мускат колдонуу: жүрөк тез согошуна, жүрөк айлануусуна жана галлюцинацияга алып келиши ыктымал.
• Кош бойлуу жана бала эмизген энелерге колдонууга болбойт.

2. Жапалак (тимьян)

• Кан басымын жогорулатат.
• Сезимтал терини аллергия кылышы мүмкүн.
• Көбүрөөк пайдалануу былжыр катмарга зыян алып келет.

3. Кара мурч

• Гастрит, тамак-ашты сиңирүүдө кыйынчылыктарды жаратат.
• Териге түздөн-түз тийген учурда күйгүзүп, канталатып кызарышы мүмкүн.
• Ачуу болгондугуна байланыштуу ысытып, тердетет.

4. Зире (тмин)

• Зирени ашыкча колдонуу кандын кант деңгээлин төмөндөтөт.
• Ашказаны ооругандарга да ашыкча колдонууга болбойт.

5. Кызыл калемпир

• Калемпирдин териге зыяндуулугу тууралуу талаш-тартыштар бар. Теринин сезимтал болуусуна алып келиши ыктымал.
• Экзема жана геморрой болгондорго калемпир колдонууга болбойт.
• Жүрөк кан тамыр оорулары менен жабыркап келгендер үчүн аны абайлап колдонуулары керек, себеби ал кан айланууну тездетет.

6. Шалфей

• Эпилепсиясы барларга колдонууда абай болуулары керек.
• Эркектердин бел кубатын азайтат деген кептер айтылат.
• Көп өлчөмдө колдонуу ашказанга зыяндуу.

7. Туз

• Дененин гормондуу балансын бузат.
• Кан басымын жогорулатат.
• Бөйрөккө зыяндуу.
• Целлюлитти жана денеде шишик пайда кылат.
• Остеопороз оорусуна алып келет.

8. Корица

• Узак пайдалануу ич катууга алып келиши мүмкүн.
• Көбүрөөк колдонуу боордун иштөөсүн кыйындатат.
• Теринин кычышуу жана кызарууга алып келет.

9. Шафран

• Ашыкча колдонуу бөйрөккө зыяндуу.
• Ууланып калуу коркунучу бар.
• Кош бойлуу учурда колдонууга болбойт, себеби кан кетүүсү мүмкүн.

10. Куркума

• Куркуманы ири көлөмдө керектөө кан клеткаларына зыян алып келиши мүмкүн.
• Ичти көптүрөт.
• Сезимтал органдарда аллергиялык реакциялар пайда кылуусу ыктымал

11. Сумак

• Кээ бир түрлөрү уулуу болгондуктан, теринге зыян келтирет.
• Кан басымын жогорулатат.
• Ич катууга алып келиши мүмкүн

12. Фенхель

• Жүрөктүн айланышы жана кусууга алып келет.
• кош бойлуу аялдарда жатындын көйгөйүнө алып келиши ыктымал.
• Ашыкча салмак менен күрөшкөндөр сак болуулары керек, себеи табитти ачат.
Тегдер: аш көк ден соолук организм пайдалуу кеңештер татымалдар
Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!