ЕАЭБ: он документке кол коюлду

Назгүл Бостонбаева

Евразия экономикалык бирлигинин жогорку жогорку евразиялык кеңешинин жыйынында жалпысы болуп 10 документке кол коюлду.

Евразия экономикалык комиссиясынын төрагасы Тигран Саркисян
билдиргендей, алардын ичинен алты документ 2017-2018-жылдарга карата
экономикалык багытты көздөйт.

“Бул документтер маанилүү, кыска жана узак мөөнөттүү өнүгүүнү камтып,
бүгүнкү жыйында коюлган маселелерди чечүүгө багытталат. Бардык кол
коюлган документтер жыйындын катышуучулары менен макулдашылган”,-деди
Саркисян.

Ал кошумчалагандай, жетинчи документ Казакстандагы кадрдык
өзгөрүүлөргө багытталса, сегизинчи жана тогузунчу документ бажы
кодексине байланыштуу.

ЕАЭБдин жогорку евразиялык экономикалык кеңешинин кезектеги жыйыны
ушул жылдын 11-октябрында Москвада өтөт.