Актер Олег Табаков көз жумду

Фарида Жумакадырова

Белгилүү совет жана россиянын актеру Олег Табаков 82 жашында дүйнө салды. “Рен ТВ” каналы маалымдагандай Табаков Москвада кайтыш болгон.

Акыркы учурларда Олег Табаковдун ден-соолугу тууралуу ар түрдүү кабарлар айтылып келген. Февраль айында ал комага түшкөндүгү тууралуу белгилүү болгон эле. Ушул убакыт аралыгында анын жанында үй-бүлөсү жана жакындары колдоо көрсөтүп турушкан.

Олег Табаков 1935-жылы 17-августа Саратовдо дүйнөгө келген. 1953-жылы ал “МХАТ” мектеп-студиясына өтүп, алдынкы студенттердин катарына кирген. Табаков “Современник” театрынын түптөөчүлөрүнүн бири. Ал көрөрмандарга “Война и мир”, “Семнадцать мгновений весны”, “Двенадцать стульев” жана башка фильмдери менен эсте калды. Мындан сырткары, Табаков “Трое из Простоквашино” жана “Каникулы в Простоквашино” мультфильминде Матроскин мышыгынын үнүн коштогон.