zaman_logo

Учурда:

    Футбол: Кыргызстан Мьянма менен беттешет

    Футбол: Кыргызстан Мьянма менен беттешет
    10-Окт. 2017, Шейшемби, 13:46
    Whatsapp
    A
    A

    Азия кубогуна тандоо оюндарынын алкагында Кыргызстан менен Мьянма ортосундагы беттеш бүгүн, 10-октябрда өтөт. Бул тууралуу КРнын футбол федерациясынан кабарлашты.

    Маалыматка ылайык, оюн Мьянманын Янгон шаарындагы Thuwunna YTC стадионунда Бишкек убактысы боюнча саат 18:30 башталат.

    Кыргызстандын курама командасы учурда оюнга карата даярдык көрүп, Янгон шаарына барды.

    Эске сала кетсек, 2019-жылдагы Азия кубогуна тандоо оюндарынын алкагында 5-сентябрда Бишкек шаарындагы Дөлөн Өмүрзаков атындагы стадиондо Кыргызстан менен Мьянма өлкөсүнүн футболдук беттеши болмок.

    Оюнга бир күн калганда Мьянмадагы Ракхайн штатындагы рохинжа мусулмандары менен будда динин туткан бирмалыктардын ортосундагы карама-каршылык күч алганына байланыштуу өкмөт башчы Сапар Исаковдун чечими менен коопсуздукту алдын алуу үчүн футболдук беттеш токтотулган.

    Тегдер:
    Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
    Категориялар