Кантип идеалдуу кожойке болуу керек?

Фарида Жумакадырова

Ашканадагы тазалык жана иреттүүлүк - идеалдуу кожойкенин "визиттик карточкасы". Мындан тышкары идеалдуу кожойке кандай болууга тийиш?

Идеалдуу кожойке төмөнкүлөрдү билет:

• салат жасоодо, торт жасоодо жылуу жана муздак азыктарды эч качан аралаштырбаш керек экендигин;
• даяр тамактарды 5 С же андан төмөнкү температурада сактоо керектигин;
• муздак тамактарды 48 сааттын ичинде пайдаланыш керектигин;
• мөөнөтүнөн өтүп кеткен азыктарды колдонбош керек экендигин.

Идеалдуу кожойкенин...

• даяр жана чийки азыктарга колдончу бычагы эки башка болот;
• азыктарга чымын-чиркей конбош үчүн ашканасынын терезеси тор менен тосулуу болот;
• азык-түлүгүнүн жана тамак-ашынын үстү дайыма жабылып турат;
• калдык салган чакасы дайыма жабылуу турат жана эч качан жагымсыз жыттанбайт;

Идеалдуу кожойке...

• анын ашканасына бир гана ооруканадагы операция бөлмөсү атаандаш боло алат;
• жарака кеткен чыныны, карарып кеткен тарелканы өкүнбөй дароо ыргытат;
• ашканадагы азыктарын таракан, кумурска, чымын, чычкан менен бөлүшпөйт;
• азык-түлүктү сарамжалдуулук менен жаңысын гана сатып алат.