Көмүр кычкыл газы чегинен ашты, эмне болот?
Дүйнөлүк Метеорология уюму (WMO) 2016-жылы атмосферада көмүр кычкыл газынын көптүгү рекорддук көрсөткүчтөн ашканын белгиледи.
Буга байланыштуу билдирүүнү жасаган WMOнун Башкы катчысы Петтери Таалас мындай көрсөткүч 3 миллион жылдан бери эч катталбагандыгын баса белгилеген. Ал өз сөзүндө 2100-жылга чейин глобалдык жылуулуктун көбөйүүсүн токтотууну көздөгөн Климат боюнча Париж макулдашуусуна токтолуп, “чындыгында жаңылыш багытта бара жатабыз”,-деди.
Климаттагы өзгөрүүлөр менен күрөштүн алкагында 2016-жылдын 4-ноябрында күчүнө кирген Париж макулдашуусуна 190дон ашык өлкө кол койгон. Аталган документ эң көп колдоо тапкан келишим болуп саналат.
Ал глобалдык ысыктын көбөйүү лимитин кылымдын аягына чейин 1,5-2 градустун ортосунда чектөөнү көздөйт. Дүйнөлүк Метеорология уюму айрыкча бул көбөйүүгө "Эль-Ниньо" деп аталган океандык процесстер жана антропогендик ишмердиктер салым кошконун белгилеген.