Кытай ишкерлерине кызматташуу сунушталды
Кытай ишкерлерине Кыргызстанда тигүү ишканасын ачууну сунушташты. Бул тууралуу Кытайдын Гуанчжоу шаарындагы Кыргызстандын консулдугу кабарлады.
маалыматка караганда, 17-апрелде Кытайдын Гуанчжоу шаарындагы Кыргызстандын консулу Максат Тентимишов Гуандун провинциясынын тигүүгү жабдыктарын өндүрүүчүлөр ассоциациясынын вице-президенти Шао Лиши менен жолукту.
Жолугушуу учурунда эки тарап Кыргызстанда тигүү ишканасын ачуу мүмкүнчүлүктөрү тууралуу сөз кылышты.
М.Тентимишов Кыргызстанда өндүрүлгөн кийим жана кездемелерди ЕАЭБдин жана ВСП+ статусунун алкагында Евробиримдигине кирген өлкөлөргө экспорттоо мүмкүнчүлүгүнө токтолуп, Кыргызстанда тигүү ишканасын ачууну сунуштады. Ошондой эле Кытай тарапка Кыргызстандын тигүү чөйрөсү менен таанышып Ысык-Көлдө өтө турган ишкерлер форумуна катышып кетүүгө чакырды.
Ассоциациясынын вице-президенти Шао Лиши чакырууну кабыл алгандыгын ошондой эле Кыргызстандын тигүү тармагы тууралуу ассоциация ишкерлерине маалымат берерин айтты.
Кыргызпатент алтын сыйлыктарды тапшырат
Жер көчкүдөн куткарылган эки жарандын бири каза болду
Жылытуу мезгилине камылга башталды
