Баалуу кагаздан 10 млрд. сом түштү

Бекхан Асанов

Үстүбүздөгү жылдын өткөн сегиз айында мамлекеттик баалуу кагаз чыгаруудан өлкө бюджетине 10 млрд. сом түшкөн. Бул тууралуу Каржы министрлиги билдирди.

Маалыматка караганда, 2017-жылдын январь-август айларынын аралыгында, мамлекеттик казналык вексель чыгаруудан жана мамлекеттик кыска мөөнөтүү облигациядан мамлекеттик бюджетке 10 млрд. 338 млн. сом түшкөн.

Анын ичинен казналык вексель чыгаруудан 3 млрд. 409 млн. сом түшсө, ал эми мамлекеттик кыска мөөнөтүү облигациядан 6 млрд. 928,99 млн. сом киреше кирген.