Жол кырсыгынан 2 жаштагы наристе каза тапты
Кочкор районунда катталган жол кырсыктан 6 адам жаракат алып, бир наристе каза тапты. Бул тууралуу Өзгөчө кырдаалдар министрлигинен билдиришти.
Маалыматка ылайык, 2-декабрь күнү саат 21:49 чамасында Бишкек-Нарын-Торугарт унаа жолунун 215-чакырымынын Шопур-Булак тилкесинде «Хонда C-RV» менен «Мерседес-Бенц Спринтер» унаасы кагышкан. Кырсык болгон жерге барган куткаруучулар жабыркаган адамдарды "Тез жардам" кызматкерлерине өткөрүп беришип, алар Кочкор райондук ооруканасынын кайра жандандыруу бөлүмүнө жеткирилген.
Каза болгон жана жабыркагандардын тизмеси:
1. Айдоочу - 1979-ж.т. А. М.;
2. 1990-ж.т. Т. М.;
3. 2013-ж.т. Б. Э.;
4. 2017-ж.т. Б. А. (каза болгон).
Мерседес-Спринтер унаасында болгон адамдар:
1. Айдоочу-1984-ж.т. А. М.:
2. 1980-ж.т. С. Н.;
3. 1984-ж.т. Т. Е.