Эрматов атындагы фестиваль өткөрүлөт
Жаш акын-жазуучулардын Эгемберди Эрматов атындагы республикалык адабият фестивалы жыл сайын 24-26-майда Баткен облусунун Кадамжай районунда өткөрүлөт. Бул тууралу КРнын улуттук жазуучулар союзунан билдиришти.
Фестивалга 35 жашка чейинки акын-жазуучулар катышып, алардын чыгармалары окулуп, талкуулар болот.
“Жаш акын-жазуучуларды колдоо максатында фестивалдын алкагында үч багыт боюнча байгелер уюштурулган.
Байгелер эң мыкты чыгармалар боюнча:
-эң мыкты поэзия
-эң мыкты проза
-эң мыкты адабий изилдөө
деген номинацияда берилет.
"Ар бир номинация боюнча жеңүүчүлөр аныкталат жана аларга жаш акын-жазуучулардын Эгемберди Эрматов атындагы адабият фестивалынын лауреаты деген төш белги жана акчалай сыйлыктар берилет”,-деп айтылат маалыматта.