NYT: FBI Трамптын Россия үчүн иштегендигин иликтеди

NYT: FBI Трамптын Россия үчүн иштегендигин иликтеди
14-Янв. 2019, Дүйшөмбү, 13:30

New York Times гезити Американын Федералдык сурак бюросунун (FBI) АКШнын президенти Дональд Трамптын Россия үчүн иштеп иштебегендигине байланыштуу жашыруун териштирүү иштерин жүргүзгөнүн жазды. Ак сарай аталган басылманын макаласын сынга алды.

Гезит жетекчилердин Дональд Трамптын 2016-жылдагы президенттик шайлоо учурунда Россия менен байланыштарынан шектенгенин, бирок мындай түрдөгү иликтөө иштеринин өтө опурталдуулугун, оордугун эске алып кайрылышпаганын белгиледи.

Бирок Трамптын 2017-жылы FBI директору Жеймс Комейди кубалагандан кийин жетекчилер шектенип, андан улам иликтөө иштери башталгандыгы жазылган.

Сурак Трамптын улуттук коопсуздукка коркунучу бары жогуна багытталган.

Трамп мындай териштирүүгө себеп жана далил болбогондугун айткан.

Twitter тармагындагы билдирүүсүндө "Ийгиликсиз New York Times басылмасынан FBIнын толугу менен кубаланган же айрым жаман себептерден улам мекемеден кетүүгө аргасыз болгон экс лидерлерин, жалганчы Жеймс Комейди кубалаганымдан кийин далили жок мен боюнча иликтөө башталгандыгын билип жатам!",-деген.
Ак сарайдын маалымат катчысы Сара Сандерс "Бул абсурд”,-деп, жазуу жүзүндөгү билдирүүсүндө "Жеймс Комей куулду. Ошол мезгилдеги анын жардамчысы Эндрю Маккейб белгилүү жалганчы эле жана FBI тарабынан куулду",-деген.
Американын чалгын кызматынын жетекчилери 2016-жылы Дональд Трампты колдоо жана анын атаандашы Хиллари Клинтонго зыян келтирүү үчүн Россия кибердик кол салган жана социалдык медиада жасалма кабарлар жарыялаган деген жыйынтыкка келген.
FBI эмнени изилдеди?
New York Times басылмасынын маалыматына караганда FBI эки түрдүү сурак жүргүзгөн. Бири каршы чалгын топтоо, экинчиси кылмыштык сурак сыпатында эле.
Каршы чалгын топтоо бөлүгүндө Трамптын Америка кызыкчылыктарына терс келе турганын билип, Россия үчүн иштеп иштебегени жана байкабай Москванын таасирине кабылып кабылбаганы изилдеди.
Экинчи бөлүгү Комейдин кубалоодо адилеттүүлүккө тоскоолдук кылуу максатынын бары жогу каралды.
FBIнын мурдагы директору Конгресстеги бир жыйында Трамп коопсуздук боюнча мурдагы кеңешчиси Майкл Флиннге карата сурактын аягына чыгаруу үчүн кысым көрсөтүлгөнүн айткан.
Флинн Россиянын Вашингтон элчиси менен жолугушууга байланыштуу FBIга жалган маалымат бергени үчүн айыпталган эле.

Гезит макаланы мурдагы жетекчилер, сурака байланыштуу маалымат билген адамдар жана FBIга 2017-жылдын декабрь айына чейин кеңешчилик кылган Джеймс Бейкерге таянып жазган.
Анын айткандарына караганда эгер Трамп Жеймс Комейди Россия сурагын токтотуу үчүн кубалады десе анда FBI Москванын 2016-жылдагы шайлоолоруна кандайча кийлигишкенин түшүнүү үчүн жасаган иштерге тоскоолдук кылган катары түшүнүүгө болот деген. Трамп Комейди кубалагандан эки күн өткөндө NBC телеканалына берген маегинде Комейди кетирип жатканда оюнда Россия сурагы болгонун айткан.
New York Times гезити FBI бул жашыруун териштирүү прокурор Роберт Мюллердин Трамп тууралуу жүргүзгөн кеңири масштабдагы сурагыны бир бөлүгүнө айланганын жазды.

Мюллер 2016-жылы өткөн АКШдагы президенттик шайлоодо Дональд Трамптын тобу Россия менен кызматташканына байланыштуу иликтөө жүргүзүүдө.

Трамп Россия менен кызматташканын танып, Мюллердин иликтөөсүн эң чоң тарыхый тузак катары сыпаттаган.

Трамптын адвокаттарынан Рудольф Б Жулиани иликтөөлөрдүн жагдайлары боюнча маалыматы жок экенин, бул териштирүү анча маанилүү эместигин айткан. "1,5 жыл мурда жасалган жана ушул мезгилде улуттук коопсуздукту бузууга багытталган далилдин табылбаганы эч нерсе табылбаганын көрсөтүп турат”,-деген.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
КӨП ОКУЛГАНДАР
Өкмөт инвестициялык долбоорлорду ишке ашырууда элдин кызыкчылыгын жогору коёт
Өкмөт инвестициялык долбоорлорду ишке ашырууда элдин кызыкчылыгын жогору коёт
​Усэйн Болт жакында ата болоорун айтты
​Усэйн Болт жакында ата болоорун айтты
Жээнбеков менен Рахмон чек ара алакасын бекемдөө чараларын талкуулашты
Жээнбеков менен Рахмон чек ара алакасын бекемдөө чараларын талкуулашты
Саламаттыкты сактоо министрлиги коронавирустан сактануунун жолдорун сунуштады
Саламаттыкты сактоо министрлиги коронавирустан сактануунун жолдорун сунуштады
​Неймар тууралуу документалдык тасма тартылууда
​Неймар тууралуу документалдык тасма тартылууда
"Коммерциялык эмес уюмдар жөнүндө” мыйзам долбоору талкууланды
Назира Айтбекова: Апам түгөй күтүп, бактылуу болуусу абзел!
Назира Айтбекова: Апам түгөй күтүп, бактылуу болуусу абзел!
Финполиция Бишкекте мыйзамсыз бензин сатып жаткан түйүндү аныктады
Финполиция Бишкекте мыйзамсыз бензин сатып жаткан түйүндү аныктады
Арыктоого балансталган азыктар
Арыктоого балансталган азыктар
Евро биримдик Брекзит келишимин колдоду
Евро биримдик Брекзит келишимин колдоду
Экотехинспекциянын директорун кызматтан алуу сунушталды
Экотехинспекциянын директорун кызматтан алуу сунушталды
Жээнбеков президенттик ишмердүүлүгүндөгү эң артыкчылыктуу багыттын айтты
Жээнбеков президенттик ишмердүүлүгүндөгү эң артыкчылыктуу багыттын айтты
 Айпери Кулбаева жаңы ыр жыйнагын сунуштады (видео)
Айпери Кулбаева жаңы ыр жыйнагын сунуштады (видео)
Сорос климаттагы өзгөрүүлөр жана авторитаризм менен күрөшөт
Сорос климаттагы өзгөрүүлөр жана авторитаризм менен күрөшөт
Дүйнөдөгү эң күчтүү смартфон аныкталды
Дүйнөдөгү эң күчтүү смартфон аныкталды
Санариптештирүү боюнча чечимди аткарбаган жетекчилерге катуу чара көрүлөт
Санариптештирүү боюнча чечимди аткарбаган жетекчилерге катуу чара көрүлөт