Англия Венесуэланын алтындарын алдыбы?

Англия Венесуэланын алтындарын алдыбы?
29-Янв. 2019, Шейшемби, 11:21

Англиянын Борбордук банкы АКШнын кысымы менен Венесуэла Борбордук банкына тиешелүү 1,2 миллиард долларлык алтынын трансферине уруксат бербегендиги айтылды.

“Bloomberg” компаниясындагы кабарга ылайык Венесуэла Борбордук банкынын Англия борбордук банкындагы 8 миллиард долларлык алтын резервинен 1,2 миллиард долларлык бөлүгүн трансфер кылуу талабы жокко чыгарылды.

Кабарда трансферге АКШнын Тышкы иштер министри Майк Помпео жана АКШнын президенти Дональд Трамптын Улуттук коопсуздук кеңешчиси Жон Болттондун Англиядагы кесиптештерине кылган кысымдын себептеринен улам уруксат берилбегендиги айтылды. Венесуэла көп айлардан бери Англия Борбордук банкындагы резервдерине жетишүүгө аракет кылат. Венесуэланын Тышкы иштер министри Каликсто Ортега декабрь айында трансфер боюнча макулдашуу үчүн Англияга кеткен, бирок жыйынтык чыккан эмес.

Англия Гуайдонун колдойт

Англиянын Тышкы иштер министри Жереми Хант Вашингтондо америкалык жетекчилер менен жолугушкандан кийин “Николас Мадуронун Венесуэланын мыйзамдуу лидери болбогондугу ачык. Англия Хуан Гуайдонун Венесуэланы алдыга жылдыра турган адам экене ишенет”,-деди.

Россия 400 аскер жиберди

Дүйнөдөгү эки чоң күч Россия менен АКШ Венесуэла боюнча ача пикирде. АКШ өзүн убактылуу президент деп атаган Улуттук парламенттин төрагасы Хуан Гуайдону тааныды. Ал эми Россия президент Николас Мадурого колдоо көрсөттү. Reuters агенттигинин кабарына ылайык Мадуронун бир нече күн мурда өлкөгө барган Россиянын аскерлери коргоого алганы айтылды.

Аталган агенттик жакын булактарга таянып жазган катында атайын коопсуздук компаниясынын өкүлдөрү Венесуэлага кеткенин белгилеген.

Россиянын президенттинин администрациясынан келген билдирүүдө бул боюнча маалымдалган жок. Венесуэланын Маалымат министрлиги буга байланыштуу билдирүү жасагандан баш тартты.

Сирия жана Украинага барышты

Венесуэлага барган орус согушкерлери жеке аскердик Wagner тобуна таандык экени болжолдонууда. Wagner тобу Сирия жана Украинада орус армияларына колдоо көрсөткөнү айтылып келет.

Путинден колдоо

Владимир Путин Мадуро менен телефон аркылуу сүйлөшкөндөн кийинки жазуу жүзүндөгү билдирүүдө Мадурону колдоорун баса белгилеген эле. Анда Россия Венесуэлада сырттан келген чагымдардан улам болгон саясий кризисте өлкөдөгү мыйзамдуу жетекчилерди колдойт делген.

Венесуэлада эмне болду?

Венесуэлада оппозиция жана бийликти жактагандар уюштурган митингдер жогорку деңгээлдеги өнүгүүлөргө жол ачты.

Оппозицияны колундагы Улуттук парламенттин жетекчиси Хуан Гуайдо митингде өзүн убактылуу президент катары жарыялады. Аны АКШ, Канада, Колумбия, Перу, Эквадор, Парагвай, Бразилия, Чили, Панама, Аргентина, Коста-Рика жана Гватемала тааныды.

Мексика, Түркия, Россия, Куба, Кытай жана Боливия Мадуро өкмөтүн колдоорун билдирди.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
КӨП ОКУЛГАНДАР
Өкмөт инвестициялык долбоорлорду ишке ашырууда элдин кызыкчылыгын жогору коёт
Өкмөт инвестициялык долбоорлорду ишке ашырууда элдин кызыкчылыгын жогору коёт
​Усэйн Болт жакында ата болоорун айтты
​Усэйн Болт жакында ата болоорун айтты
Жээнбеков менен Рахмон чек ара алакасын бекемдөө чараларын талкуулашты
Жээнбеков менен Рахмон чек ара алакасын бекемдөө чараларын талкуулашты
Саламаттыкты сактоо министрлиги коронавирустан сактануунун жолдорун сунуштады
Саламаттыкты сактоо министрлиги коронавирустан сактануунун жолдорун сунуштады
​Неймар тууралуу документалдык тасма тартылууда
​Неймар тууралуу документалдык тасма тартылууда
"Коммерциялык эмес уюмдар жөнүндө” мыйзам долбоору талкууланды
Назира Айтбекова: Апам түгөй күтүп, бактылуу болуусу абзел!
Назира Айтбекова: Апам түгөй күтүп, бактылуу болуусу абзел!
Финполиция Бишкекте мыйзамсыз бензин сатып жаткан түйүндү аныктады
Финполиция Бишкекте мыйзамсыз бензин сатып жаткан түйүндү аныктады
Арыктоого балансталган азыктар
Арыктоого балансталган азыктар
Евро биримдик Брекзит келишимин колдоду
Евро биримдик Брекзит келишимин колдоду
Экотехинспекциянын директорун кызматтан алуу сунушталды
Экотехинспекциянын директорун кызматтан алуу сунушталды
Жээнбеков президенттик ишмердүүлүгүндөгү эң артыкчылыктуу багыттын айтты
Жээнбеков президенттик ишмердүүлүгүндөгү эң артыкчылыктуу багыттын айтты
 Айпери Кулбаева жаңы ыр жыйнагын сунуштады (видео)
Айпери Кулбаева жаңы ыр жыйнагын сунуштады (видео)
Сорос климаттагы өзгөрүүлөр жана авторитаризм менен күрөшөт
Сорос климаттагы өзгөрүүлөр жана авторитаризм менен күрөшөт
Дүйнөдөгү эң күчтүү смартфон аныкталды
Дүйнөдөгү эң күчтүү смартфон аныкталды
Санариптештирүү боюнча чечимди аткарбаган жетекчилерге катуу чара көрүлөт
Санариптештирүү боюнча чечимди аткарбаган жетекчилерге катуу чара көрүлөт