​Экспортко кете турган 70 миң тонна картошка бар

​Экспортко кете турган 70 миң тонна картошка бар
7-Фев. 2019, Бейшемби, 15:50

Азыркы тапта картошка Түркмөнстан, Казакстан жана Өзбекстанга аз-аздан ташылууда. 2019-жылдын 1-февралына карата Кыргызстанда экспортко кете турган картошка жалпы 70 миң тонна көлөмүндө калган. Бул тууралуу Айыл чарба министринин маалымат кызматы билдирди.

Маалыматка караганда, 2018-жылы Кыргызстанда 84,4 миң гектарга жерге айдалып, картошканын түшүмү 1 млн. 446 миң тоннага жеткен.

Буга чейин Өзбекстандын 73 компаниясы 145 миң тонна картошканы Өзбекстанга экспорттойт деп айтылган. 2018-жылдын 2-ноябрында Кыргызстандын картошка өндүрүүчүлөрүнүн өкүлдөрү менен Өзбекстандын ишкерлери ортосунда сүйлөшүүлөр болгон. Жолугушуунун жыйынтыгында тараптар кыргыз картошкасынын баасы боюнча бир пикирге келише алган эмес. Өзбекстанга картошканы сатуу боюнча эч кандай чектөө жок. Маселенин баары анын баасы менен кирешелүүлүгүнө барып такалууда.

Өзбекстан Кыргызстандан картошканы импорттоо боюнча 73 компанияны бекитип, 145 миң тоннага квота берген.

Эскерте кетсек, 2018-жылы Кыргызстанда картошканын түшүмү 144,6 миң тоннаны түзгөн. Ал 2017-жылга караганда 30,6 миң тоннага көп болгон. 2017-жылы картошка 83 миң гектарга айдалса, 2018-жылы 84,4 миң гектарга айдалган.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!