Чиркей кандай адамды чагат?

Чиркей  кандай адамды чагат?
11-Май 2018, Жума, 13:35

Жаз айы бүтүп жай мезгилине бир аз убакыт калды. Жайдын аптаптуу ысык аба ырайы менен чиркейдин чакканы жанга жай бербейт. Ошого байланыштуу окумуштуулар чиркей кандай адамдарды биринчи чагаарын изилдешкен.

Ар бирибиздин тааныш адамдардын ичинде чиркей биринчи болуп ошол адамды чагат деген таанышыбыз бар чыгаар. Бирге отурган жерде чиркейдин барын биринчи болуп ошол адам сезет. Себеби, чиркейлер адамдарды тандап отуруп чагат экен. Медицина тармагынын окумуштуулары чиркей тандап чаккан адамдардын тизмегин тузүштү.

Чиркей биринчиден адам дем алган абага карап аларды издеп табат экен. Кош бойлуу аялдар дем алган кезде көмүр кычкыл газын башкалардан ашыкча бөлөт экен. Ошондуктан чиркей адамдар арасындагы кош бойлуу аялды биринчи болуп чагат.


Таза абада тердеп жүгүргөндөн кийин чиркей сизди чакканга ашыгат. Себеби чиркей сиздин денеңизден бөлүнгөн сүт кычкылына тартылат.

Адистер адам ичимдик ичкенден кийин чиркейдин курмандыгына айланарын эскертишет.

Илимий изилдөөнүн натыйжасына карасак чиркейлердин 83 пайызы каны I-чи топтогу адамдарды чагат экен. Каны II-чи топтогу адамдарды чиркейлер сейрек чагат. Эгер окумуштуулар айткан тизмеде болсоңуз күн жылууда чиркейден коргонуп жүрүңүз.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!