Көк бөрү: жарым финалга чыккан командалар аныкталды

Көк бөрү: жарым финалга чыккан командалар аныкталды
6-Сен. 2018, Бейшемби, 10:41

3-Дүйнөлүк көчмөндөр оюндарынын алкагында өтүп жаткан көк бөрү боюнча мелдеште жарым финалга чыккан командалар аныкталды. Атап айтканда Өзбекстандын жана Казакстандын көк бөрү боюнча курама командалары өздөрүнүн топторунда биринчи орундарды алып, Дүйнөлүк көчмөндөр оюндарынын жарым финалына чыгышты.

Жалпысынан медалдар үчүн 4 топко бөлүнгөн 12 команда күч сынашты. Жарым финалга өздөрүнүн топторунда биринчиликти алган командалар чыгышты.

5-сентябрда өткөн тайпа ичиндеги оюндар төмөнкүдөй жыйынтыкталды:

А тайпасындагы Кыргызстан буга чейин Монголияны 29:5 эсеби менен утуп алган. Бүгүн Алтай курамасы оюнга чыга албай калгандыктан, жеңиш кыргыз тарапка берилди;

Б тайпасында болсо Москва курамасы Афганистан командасын 7:2 эсеби менен утуп жарым финалга чыккан;

С тайпасында Казакстан командасы бүгүн АКШ курамасын 20:9, Красноярсктан келген көк бөрүчүлөрдү 15:3 эсебинде утуп алды;

Д тайпасында Өзбекстан курамасы Франциядан келген көк бөрүчүлөрдү 19:6 эсебинде жеңип, жарым финалга аттанды. Өзбекстан буга чейин Башкортостанды 19:1 менен утуп алган болчу.


Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!