12 күндүк бөбөк маймылдын колунан ажал тапты

12 күндүк бөбөк маймылдын колунан ажал тапты
15-Ноя. 2018, Бейшемби, 16:27

Индиянын Runkata шаарында жапайы маймылдардын топтошкон тобу бир үйгө кирип келген учурда үрөй учурган окуя орун алды. Үйгө кирип жаткан маймылдардын бирөөсү 12 күн мурда жарык дүйнөгө келген баланы эмизип жаткан эненин колунан бөбөктү жула качкан. Үйдөгүлөр таш жана сойул менен маймылды кубалаганынан эч кандай натыйжа болгон жок.

Бөбөктү алып качкан маймыл баланын башын тиштеп ыргыткан. Башы кан жалаган бөбөктү дароо ооруканага жеткиришкен менен, ал каза болуп калган.

Жергиликтүү активистер шаарлардын өсүшү менен бирге табигый жашоосу жок болуп бара жаткан маймылдар улам баргансайын аргесивдүү болуп баратканын айтышууда. Тамак издөө үчүн көчөлөргө агылып чыккан маймылдар адамдарга да кол салган учурлар катталган.

Маймылдар шаардагы беш темир жолун, ооруканаларды жана жолдорду басып алганын айткан жергиликтүү калк, бийликтен бул маселени чечүүнүн жолун табууну суранды. Өткөн май айларында эки турист дагы маймылдардын кол салуусуна кабылган.


Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!