Дүйнөдөгү эң семиз бала ашыкча салмак менен коштошту

Дүйнөдөгү эң семиз бала ашыкча салмак менен коштошту
20-Дек. 2018, Бейшемби, 13:21

Дүйнөдөгү эң семиз бала эки эсе ашыкча салмактан арылганга жетишти. Ал учурда өзүн жакшы сезип жаткандыгын жана атактуу футболчу болгусу келерин “Daily Mail” агенттигине билдирди.

Ария Пермана аттуу бала 98 килограмм ашыкча салмак менен кош айтышты.

Учурда Ария маанайы көтөрүлүп, күнүгө достору менен ойноп жана беш километр жөө басып жаткандыгын айтат. Анын ата-энеси атайын диетага отургузган. Мисалга, таттуу такыр жегизбей жана газдалган суу ичирбей.

12 жаштагы Ария мотоцикл айдаганды да үйрөнүп алууга жетишкен.

Эскерте кетсек, өзүнүн 10 жашында Ария Пермана 200 килограмм салмакты түзгөн.

2016-жылы окуу жылдын башталышында болгону 5 килограмм таштагандыгы айтылат. Анын салмак кошуу маселеси кичинекейинен эле башталган.

Учурда, Ария өзүн жакшы сезип, достору менен чогуу окуга барат жана келечекте мыкты футболчу болгусу келет.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!