Киев: кыргызстандык жаран жардырууга шектелүүдө (видео)

Киев: кыргызстандык жаран жардырууга шектелүүдө (видео)
5-Апр. 2019, Жума, 16:39

4-апрель күнү Киев көчөлөрүнүн бириндеги автоунаага жардыргыч койгон адам кыргызстандык болгонун Украиналык Жалпыга маалымдоо каражаттары Жогорку Раданын депутаты Игорь Мосийчуктун айтканына таянуу менен жазып чыгышты.

Андагы маалыматта автоунаа Украинанын коргоо министрлигинин Чалгындоонун башкы башкармалыгынын офицерине таандык болгону айтылат.

Украинанын Башкы прокуратурасы маалымдагандай, бомба унаага орнотуп жатканда жарылган:

“Саат 3:17 чамасында Киев шаарында белгисиз адам тарабынан Украинанын атайын кызматынын офицерине карата террордук акт уюштуруу аракети болгон. Жардыргыч затты орнотуу учурунда убактысынан эртерээк иштеп кетип, денесинен оор жаракат алып, эсине келе албай ооруканада каза болду”

Жогорку Раданын депутаты Игорь Мосийчук жардырууну уюштурган адам Кыргызстандын жараны болгонун өзүнүн “фейсбуктагы” баракчасына жазды:

“Жабыр тарткан адам — Кыргызстандын жараны жана дал ошол адам автоунаанын алдына жардыруучу зат орноткон”


Учурда Киев полициясынын башкы башкармалыгы сотко чейинки иликтөө иштерин жүргүзүп жатат. Кыргыз Республикасынын Тышкы иштер министрлиги кыргызстандык жарандын жардырууга катыштыгы бар тууралуу маалыматты тактоодо.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!