Туткундарды Трамп тосуп алды

Туткундарды Трамп тосуп алды
10-Май 2018, Бейшемби, 19:09

Түндүк Кореяда камалып турган үч жаран АКШнын Мамлекеттик катчысы Майк Помпеонун иш сапарынан кийин бошотулду.

Майк Помпеонун учагы менен өлкөсүнө келген жарандарды Вашингтонго жакынкы “Эндрюс” аскердик аба базасында АКШнын президенти Дональд Трамп тосуп алды.

“Бул кеч бул адамдар үчүн чындыгында керемет”,-деген өлкө башчысы Түндүк Кореянын лидери Ким Чен Ынга ыраазычылык билдирди.

Бошотулган АКШнын жарандары өздөрүн жакшы сезип жатышат. Алар кубанып жатышканын айтышып, Америка бийлигине ыраазычылык билдирди.

Түзөтүү лагериндегилерди бошотууга саммитке даярдыктын алдындагы маанилүү концессия катары баа берилди.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!