Малайзияда диктатор расмий кулатылды

Малайзияда диктатор расмий кулатылды
11-Май 2018, Жума, 13:00

Малайзияда өткөн жалпы шайлоодо 92 жаштагы экс-премьер-министр Махатхир Мохамед жетектеген Элдин үмүтү биримдиги жеңишке жетти.

Паракорчулук тууралуу кептерге кабылган Улуттук фронт партиясы өлкөнү 61 жылдан бери башкарып келген эле.

Малайзияда 9-майда өткөн шайлоонун жыйынтыгы жарыяланды. Оппозициянын орток талапкери экс-премьер-министр Махатхир Мохамед шайлоодо жеңишке жетип, 222 орундан 122сине жетишти.

Анын атаандашы жана учурдагы премьер-министр Нежип Резак лидерлик кылган Бириккен Малай улуттук партиясына (UMNO) 79 орун тийди. Аталган партиянын жетекчилигиндеги Улуттук фронт Англиядан көз карандысыз болгон 1957-жылдан бери бийликти бербей келет.

“Өч алууну ойлобойбуз”

Махатхир журналистерге берген маегинде “Өч алуунун артына түшпөйбүз. Мыйзамдуулукту жаңыдан орноткубуз келет”,-деди.

Паракорчулук тууралуу кептер бийликтин соңуна алып келди

2015-жылы белгилүү болгон паракорчулук жаңжалынан кийин Нежип Резакка карата ишеним азайган. Ал 1MDB аттуу фонддон 700 миллион доллар акча алганы айтылып келген. Резактын бул айыптарды танганы сурактарга тоскоолдук жаратып жаткан.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!