Алюминий чыгаргандар NASAны алдап кетишти

Алюминий чыгаргандар NASAны алдап кетишти
3-Май 2019, Жума, 13:02

Анын кесепетинен 2 жолку ракета сынактары ийгиликсиз аяктап, 700 миллион доллар зыян тарткан.

АКШнын Орегон штатындагы алюминий иштеткен ишкана 19 жыл бою NASAны эле эмес, жүздөгөн кардарларын алдап келгени аныкталды.

Sciencealert.com сайты АКШдагы Sapa Profiles Inc компаниясынын NASAнын ракеталарында пайдаланылган алюминий бөлүкчөлөрүндөгү тесттер тууралуу жасалма жыйынтыктар чыгарылганын белгилеген.

Кабарга ылайык NASA 2009-2011-жылдары ийгиликсиз аяктаган ракетаны учуруу сыноолоруна байланыштуу иликтөөлөрдү баштаган. Эки сынакта тең Sapa Profiles Inc (SPI) чыгарган материалдар пайдаланылган.

АКШнын Адилет министрлиги NASAга, Коргоо министрлигине жана алданган кардарларга жалпысынан 46 миллион компенсация төлөөнү ишканадан талап кылды.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!