Ысык Аляскага жетти

Ысык Аляскага жетти
8-Июль 2019, Дүйшөмбү, 15:30

Түндүк уюлга жакын жайгашкан Аляскадагы Анкориджа шаарынын чет жакаларында болуп көрбөгөндөй ысыктан улам токойлордо өрт чыкты. Жылдын бул мезгилинде орточо температура +18ºC, ал эми өтө ысыганда +24ºCга жетчү. Бул жылы абанын температурасы +32 градусту көрсөттү.

Аляска штатынын калкынын 40 пайызы жашаган Анкориджа шаарын токойдун өрттөн улам түтүн каптады. Көйгөйлөр бул менен эле бүткөн жок. Июнда Аляскада чагылган көп болуп, ири өрттөрдүн чыгышына себеп болгон. Андан улам жай башталгандан бери аталган аймакты түтүн каптады.

Американын метерология кызматы унаанын жарыктарын күйгүзүп айдоону, физикалык активдүүлүктү азайтууну, улгайган жарандарды үйдөн чыкпоону эскертти.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
КӨП ОКУЛГАНДАР