Мейманканага кол салууда 14 чет элдик курман болду

Мейманканага кол салууда 14 чет элдик курман болду
22-Янв. 2018, Дүйшөмбү, 12:45

Кабулдагы чет элдиктер көп жайгашкан “Интерконтиненталь” мейманканасына куралдуу кол салууда 18 адам көз жумду. Алардын он төртү чет элдиктер экенин “Associated Press” агенттиги Афганистандын Ички иштер министринин өкүлү Наджиб Доништин айтканадырына таянып жазган.

“BBC” кызматынын маалыматына караганда алардын алтоо украиналык болуп чыкты. Дагы төртөө афган, бирөө немис, бирөө грек жана дагы бири казак экени белгилүү болду.

20-январда жергиликтүү убакыт боюнча 21:00дө куралчан алты адам мейманканага кирип андагы бир нече адамды өлтүрсө, калгандарын туткунга алган.

17 саатка созулган куткаруу операциясында мейманканадан 150 адам эвакуацияланган.

Кол салууну Талибдер мойнуна алды.

“Интерконтиненталь” – Кабулдагы белгилүү мейманканалардын бири. Анда көбүнчө батыш мамлекеттеринен келген коноктор жайгашат. Имарат шаардын батышында дөбөдө жайгашкан жана катуу кайтарууга алынган.
Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!