Эл аралык космос станциясы АКШнын менчигиби?

Эл аралык космос станциясы АКШнын менчигиби?
12-Фев. 2018, Дүйшөмбү, 15:35

АКШ 2025-жылдан баштап Эл аралык космос станциясын (МКС) каржылоону токтотууну пландап жатканын “Fox News” маалымат каналы кабарлады.

Буга чейин басылмалар АКШнын президентинин администрациясы МКСти менчиктештирүүгө зарыл болгон коммерциялык ишканаларды өнүктүрүүгө Конгресстен 150 миллион долларды келерки салык жылына карата сурап жатканын жазган.

Россия орбитада Эл аралык космос станциясына алгачкы элементтин 1998-жылы жиберген. Долбоорго 14 өлкө катышкан.

Учурда космос станциясынын бортунда алты космонавт бар. Алардын экөө россиялык болсо, үчөө америкалык. Ал эми бирөө Япониянын жараны.

NASAнын маалыматына караганда АКШ станцияны камсыз кылууга жылына 3-4 миллиард доллар жумшайт.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!