Меркель төртүнчү өкмөт түзүүгө мүмкүнчүлүк алды

Меркель төртүнчү өкмөт түзүүгө мүмкүнчүлүк алды
5-Март 2018, Дүйшөмбү, 14:50

Социал-демократтар партиясынын (СДП) катардагы 464 миң мүчөсүнүн добушу сентябрда өткөн шайлоодон кийинки Германияны беш айлык саясий туңгуюктан чыгуусуна шарт түздү.

"Твиттер" тармагына Христиан-демократиялык союзу (ХДС) жана Меркель өлкөнүн жыргалчылыгы үчүн бирге иштешүүгө даяр экени жазылды.

СДПнын жетекчисинин милдетин аткаруучу Олаф Шольц “Эми бизде айкын болду. Социал-демократтар партиясы кийинки өкмөттүн курамына кирет”,-деди.
Канцлер Меркель эми бир катар маселелер менен бет келишет. Анткени “Германия үчүн альтернатива” партиясында бир топ каршы пикирлер болору күтүлөт.

Антииммигранттык партия биринчи жолу бундестагга сентябрда 12 пайыз добуш менен өтсө, эми эң ири оппозициялык топ болуп калды.
Белгисиздик мезгилинин аяктаганы Европа биримдигине жеңилдиктерди жаратат. Анткени Германия аймактагы ири экономикасы бар мамлекеттердин бири жана таасири чоң.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!