​ИДӨ 5,7 пайызга өскөн

​ИДӨ 5,7 пайызга өскөн
14-Май 2019, Шейшемби, 10:58

2019-жылдын төрт айында Кыргызстандын ички дүң өндүрүмү 149 млрд. 622,6 млн. сомду түздү. Бул тууралуу Улуттук статистика комитети билдирди.

Маалыматка караганда, аталган көрсөткүч былтыркы жылдын ушул мезгилине салыштырмалуу 5,7 пайызга өскөн.

2019-жылдын январь-апрель айларында “Кумтөр” кен ишканасын эсепке албаганда, ички дүң өндүрүмдүн көлөмү 131 млрд. сомду түзгөн же болбосо 1,6 пайызга өскөн.

Ал эми өнөр-жай продукциясынын өсүшү металл кендерин казып алуудан 1,4 эсеге, көмүр өндүрүүдөн 26,4 эсеге, чийки мунай жана жаратылыш газынан 16,5 эсеге, текстиль жана кийим өндүрүүдөн 21,2 пайызга өскөндүгү менен болгон.

Ошондой эле айыл чарбасында реалдуу өсүш байкалып, 18 пайызды түзгөн. Курулуш, чекене жана дүңүнөн соода кылуу - 4,3 пайызды камтыган.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
КӨП ОКУЛГАНДАР