“Cambridge Analytica” маалыматтарды алганын жокко чыгарды

“Cambridge Analytica” маалыматтарды алганын жокко чыгарды
5-Апр. 2018, Бейшемби, 17:12

Компания келишим шартка ылайык болгону 30 млн колдонуучунун жеке маалыматтарын алганын жана “Facebook” аларды өчүрүүнү талап кылгандан кийин баардыгын жойгонунун билдирди. Бул тууралуу “Korrespondent.net” сайты маалымдады.

«Cambridge Analytica компаниясынын “Global Science Research” жыйнап берген 30 млн колдонуучунун маалыматын алууга лицензиясы бар. Бул изилдөө компаниясы менен жасаган келишим шартта так көрсөтүлгөн. Биз мындан ашык колдонуучунун маалыматын алган жокпуз», - делинген компаниянын маалыматында.

Ошондой эле, компания “Facebook” өкүлдөрүнүн маалыматтары мыйзамсыз жол менен алынганын кабарлагандан кийин аларды дароо өчүргөнүн айтты.

«Бир жыл мурун “Facebook” дагы бир текшерүү жүргүзүүнү талап кылгандан кийин, аудит жүргүзүп, ушул маалыматтардын баардыгын толугу менен жок болгондугуна көз жеткиргенбиз. Кийин “Facebook” компаниясына бул тууралуу маалымат сунуштадык», - деп айтылат кабарда.

Азыркы учурда компанияга үчүнчү тарап текшерүү иштерин жүргүзүп, “GSR” маалыматтары “Cambridge Analytica” системасында калып калбоосун камсыз кылып жатат.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!