Жаңы “Samsung Galaxy Fold” уюлдук телефонунда маселе жаралдыбы?

Жаңы “Samsung Galaxy Fold” уюлдук телефонунда маселе жаралдыбы?
18-Апр. 2019, Бейшемби, 15:43

Жаңы чыккан “Samsung Galaxy Fold” уюлдук телефонун журналисттер колго алары замат, андан бир маселе жаралагандыгын айтып чыгышты. Компания ал телефонду журналисттерге тест жүргүзүү иретинде бергендиги айтылат.

Колдонуучу Марк Гурман өзүнүн Твитердик баракчасына: Алгач экрандагы сүрөттүн жарымы жок болуп, кийин экран толугу менен иштебей калгандыгын айтып чыкты.

Ошондой эле “CNBC” агенттигинин редактору дагы ушундай маселе жаралгандыгын кабарлаган. Дитер Бонн аттуу журналист: “Менин телефонум дагы эмне болгонун билбейм, Самсунг компаниясынан жооп күтөм”,- деп жазган.

Ал эми, видоблогер Маркес Браунли: Экрандын коргоочу пленкасы аны коргобой эле, ага зыян алып келгендигин жана аны сыйрып алуунун кажети жок экендигин баса белгилеп кетти.

Эскерте кетсек, “Samsung Galaxy Fold” уюлдук телефону 20-февралда көрсөтүлүп, анын экраны бүктөмө жана чоң болгондугу менен айырмаланган. Аталган уюлдук телефондун баасы 1980 доллар.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!