Миллион доллар турган унаадан үйдүн дубалын жасашты

Миллион доллар турган унаадан үйдүн дубалын жасашты
30-Июль 2018, Дүйшөмбү, 11:44

Майямидеги укмуштуудай үйлөрдүн ээси "Pagani Zonda R” спорткары үчүн өзгөчө нерсе ойлоп тапкан. Ал автомобиль искусствонун бир түрү болоруна ишенет.

Аргентиналык жарыштын айдоочусу, ошондой эле миллиардердин уулу, Пабло Перес Компанк өзүнүн батирине өзгөчө дубал үчүн бир нече миллион доллар төлөдү. Тактап айтканда, конок бөлмөнү экиге бөлүү үчүн сейрек спорттук “Pagani Zonda R” автоунаасын колдонду.

Өзгөчө бөлмөнүн дубалын куруу оңой болгон жок. Биринчиден, куруучуларга унааны бөлмөгө киргизүү үчүн бир аз тер агызууга туура келди. Ал үчүн атайы кран жалдашып, терезени бузууга туура келген. Экинчиден, унааны дубалга жабыштыруу –спорткар кырынан турат жана атайы темир кармоочторго бекитилген.


Дизайндын чечими өтө таасирдүү болгонуна карабастан, бул “Pagani Zonda R” унаасы жасалма экенин айта кетүү керек. Компанк өзү билдиргендей, бул атайы тапшырык кылынган үлгү жана эч качан жүрө албайт.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!