Таврия сарайында Кыдыр Акенин эстелик бюстту тапшырылды

Таврия сарайында Кыдыр Акенин эстелик бюстту тапшырылды
22-Март 2019, Жума, 16:05

Бүгүн, 22-мартта Россиянын Санкт-Петербург шаарындагы Таврия сарайында Көз карандысыз мамлекеттердин шериктештигине мүчө өлкөлөрдүн Парламенттер аралык ассамблеясына Кыдыр Байсары уулунун (Кыдыр Аке) эстелик бюстту салтанаттуу түрдө берилди.

Жогорку Кеңештин басма сөз кызматынан кабарлашкандай, иш-чарага Жогорку Кеңештин депутаттары Каныбек Иманалиев, Садык Шер-Нияз, Бактыбек Турусбеков, Тынчтык Шайназаров, КМШ ПАА Кеңешинин Башкы катчысынын милдетин аткаруучу Дмитрий Кобицкий, Кыдыр Акенин неберелери Ишембек жана Дүйшөмбек Кадыровдор, Башкы катчынын орун басарлары, КМШ ПААга мүчө мамлекеттердин парламенттеринин өкүлдөрү, ошондой эле тарыхчы, окумуштуулар катышты.

КМШ ПАА Кеңешинин Башкы катчысынын милдетин аткаруучу Дмитрий Кобицкий иш-чаранын маанилүүлүгүнө токтолуп: “КМШга мүчө мамлекеттердин парламенттери тарабынан Шериктештикке кирген өлкөлөрдүн белгилүү тарыхый инсандарынын бюсттарынын КМШ ПААга берилиши жагымдуу салтка айланды. Биз бүгүнкү күндө Таврия сарайында мамлекеттер аралык байланышты бекемдөөгө жана улуттар ортосундагы ынтымакты арттырууга зор салым кошкон инсандардын бюстунун галереясы түзүлдү деп айта алабыз”, – деди.

“Ар бир элде тарыхый улуу инсандар бар. Алардын катарында Кыдыр Аке сыяктуу кылымдар бою калкынын эсинен кетпей турган залкарлар саналуу гана. Бүгүн биз ошол акылман саясатчынын, элинин сый-урматына татып, “Аке” деген асыл наамды алып жүргөн кадырман адамдын бюсттун кабыл алып жатабыз” – деген Кобицкий Кыдыр Аке Байсары уулунун бюстту Санкт-Петербург шаарындагы Таврия сарайында татыктуу орунга ээ экенин кошумчалады.

Өз кезегинде Жогорку Кеңештин депутаты Садык Шер-Нияз кыргыз жана орус элинин эки тараптуу алакасынын өнүгүшүнө Кыдыр Аке зор салым кошконун белгилеп: “Таврия сарайына Кыдыр Акенин бюстун сыймыктануу менен тапшырып жатабыз. Борбор Азия чөлкөмүндө таанымал адамдар арбын, бирок биздин жердешибиз Кыдыр Аке Евразиялык алкактагы инсан”, – деди.

Ал эми депутат Бактыбек Турусбеков бул салтанат парламенттер аралык кызматташтык алкагындагы маданий-гуманитардык байланыштын жөнөкөй бир жүйөсү гана эмес, боордош элдердин достугун чыңдаган улуу инсанга карата көрсөтүлгөн сый экенин билдирди.

Кыдыр Акенин небереси Ишембек Кыдыров иш-чаранын жогорку деңгээлде өткөнүнө ыраазычылыгын айтып: “Мен чоң атам Кыргызстан менен Россиянын дипломатиясына жол ачкан инсан катары эки мамлекеттин элинин эсинде сакталып келет”, – деди.

Белгилей кетсек, Кыдыр Аке Байсары уулу – ХIХ кылымдагы кыргыздын белгилүү мамлекеттик жана коомдук ишмери, көсөм саясатчысы. Ал он сегиз жашында Арык уруусунун башчылыгына шайланып, аймакты 20 жылдай жетектеген.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
КӨП ОКУЛГАНДАР
Кой-Таш окуясы боюнча мамкомиссия жашыруун маалыматтар менен таанышты
Кой-Таш окуясы боюнча мамкомиссия жашыруун маалыматтар менен таанышты
Китепканада тил күнүнө карата адабий иш-чара болду
Китепканада тил күнүнө карата адабий иш-чара болду
Иманалиев «Курултайлар жөнүндө» мыйзам долбоорун сунуштады
Иманалиев «Курултайлар жөнүндө» мыйзам долбоорун сунуштады
Депутат Орусияга акыйкатчынын өкүлчүлүгүн ачуу сунушун айтты
Депутат Орусияга акыйкатчынын өкүлчүлүгүн ачуу сунушун айтты
Мамытов:
Мамытов: "Өткөн жылы акыйкатчыга 3237 кайрылуу келип түшкөн"
Аялдардын энергиясын арттыра турган сегиз ыкманы билип алыңыз!
Аялдардын энергиясын арттыра турган сегиз ыкманы билип алыңыз!
Жанар Акаев: Сиз бийликчил акыйкатчы болдуңуз!
Жанар Акаев: Сиз бийликчил акыйкатчы болдуңуз!
Шакира: “Пике экөөбүз салттуу үй-бүлө эмеспиз”
Шакира: “Пике экөөбүз салттуу үй-бүлө эмеспиз”
Алия Абдиева:
Алия Абдиева: "Интернет доорунда деле китепкана окурмандарын жоготпойт"
Сыймык Бейшекеев: Баткен үчүн каражан кымбат эмес!
Сыймык Бейшекеев: Баткен үчүн каражан кымбат эмес!
Гуантанамо абагы: Ар бир жаза өтөөчүгө 13 миллион доллар
Гуантанамо абагы: Ар бир жаза өтөөчүгө 13 миллион доллар
Самара Каримова эмнеге кейиди?
Самара Каримова эмнеге кейиди?
Ырчы Бакас тамашалуу ырына шаңдуу клип тарттырды (видео)
Ырчы Бакас тамашалуу ырына шаңдуу клип тарттырды (видео)
Президент чек ара чырынан жабыркагандардан кабар алды (фото)
Президент чек ара чырынан жабыркагандардан кабар алды (фото)
Кыргызстандык  Салидат Хамилова АКШда мода жумалыгына катышты
Кыргызстандык Салидат Хамилова АКШда мода жумалыгына катышты
​Төрт футболчуну чагылган урду (видео)
​Төрт футболчуну чагылган урду (видео)